کامیڈی کے بےتاج بادشاہ سکندر صنم کو سے بچھڑے 12 برس بیت گئے
خوشیاں اور مسکراہٹیں بکھیرنےوالے معروف پاکستانی کامیڈین اور اسٹیج کے نامور اداکار سکندر صنم کو مداحوں سے بچھڑے 12 برس بیت گئے۔
اپنی کامیڈی کی وجہ سے مشہور اتنے کےنام سن کر ہی لوگوں کےچہرے پر ہنسی اور مسکراہٹ آ جائے، سکندر صنم کے مداح آج بھی انہیں خوب یاد کرتےہیں۔
غریب گھرانے میں آنکھ کھولنےوالے سکندر صنم نے گھریلو حالات کےباعث بہت کم عمری میں ایک فیکٹری میں مزدوری شروع کی تاہم بعد ازاں انہیں اپنےاندر چھپی صلاحیتیں نظر آئیں اور انہوں نے شوبز کا انتخاب کیا۔
کراچی کے علاقے کھارادر میں 1960ء میں پیدا ہونےوالے سکندر صنم نے 1981ء میں اسٹیج کی دنیا میں قدم رکھا اور پھر آخری ایام تک اسی سےوابستہ رہے۔
سکندر صنم نے کیرئیر کاآغاز بطور گلوکار کیا تاہم کامیڈی کنگ عمر شریف سے دوستی ہونے کےبعد دونوں فنکاروں نے مختلف تقریبات میں اسٹیج کامیڈی کا آغاز کیا۔
دو مزاحیہ فن کاروں کی اس جوڑی سے لوگ اتنا محظوظ ہوئےکہ اگر کسی ڈرامے میں کوئی ایک فرد کم ہوتا تو عوام کی دلچسپی اس میں کم ہی ہوتی۔
سکندر صنم اپنی منفرد پرفارمنس سے نہ صرف پاکستان بلکہ دنیا بھر میں اپنے فن کی وجہ سے پہچانے جانےلگے۔
اداکارہ نرگس اور انکے شوہر کی لڑائی کس عورت کی وجہ سے ہوئی؟
سکندر صنم کو اس وقت زیادہ پذیرائی ملی جب انہوں نے بالی ووڈ فلموں کی پیروڈی کو مزاحیہ انداز میں بھی تیار کیاجن میں کھل نائیک،تیرے نام 2،گجنی 2، منا بھائی وغیرہ شامل ہیں۔ان فلموں کو مداحوں نے خوب پسند کیا تھا۔
دنیا بھر میں غموں کو دور اور ان میں مسکراہٹیں بانٹنےوالا یہ فن کار جگر کےکینسر میں مبتلا ہوا اور 5 نومبر 2012 کو مداحوں کی آنکھوں میں آنسو چھوڑگیا۔
