جنوبی کوریا کی 93سالہ خاتون نےہمیشہ جوان رہنےکاراز بتادیا

جنوبی کوریا سے تعلق رکھنے والی 93 سالہ لی گل نامی خاتون نے ہمیشہ جوان رہنےکاراز بتادیا۔

جنوبی کوریا سے تعلق رکھنے والی 93 سالہ لی گل نامی خاتون کو ان کی جگمگاتی جِلد، تیز ذہن اور سخت محنت کے لیے جانا جاتا ہے۔اب انہوں نے ہمیشہ جوان رہنے کے لیے چند ٹپس شیئر کی ہیں۔

خاتون یونیورسٹی کی پرنسپل ہیں اور ان کی ویڈیو گزشتہ دنوں وائرل ہوئی۔لی گل نے بتایا کہ وہ ایک معمول کے تحت زندگی گزارتی ہیں، تمباکو نوشی اور الکحل سے گریز کرتی ہیں، کافی کی جگہ چائے پینا پسند کرتی ہیں اور دن بھر میں ڈیڑھ لیٹر پانی پیتی ہیں۔ انہوں نے بتایا کہ وہ بہت زیادہ تناؤ سے بچنے کی کوشش کرتی ہیں جبکہ ایک کلینک سے لیزر ٹریٹمنٹ بھی اکثر کرواتی ہیں۔ لی گل کے مطابق پچپن میں وہ اکثر غریب افراد کو مرتے ہوئے دیکھتی تھیں جس کی وجہ مناسب طبی سہولیات کی عدم دستیابی تھی جس کے بعد انہوں نے ڈاکٹر بننے کا فیصلہ کیا۔