بلاول بھٹو کی وزیراعظم سے ملاقات، اہم دارالحکومتوں میں پاکستانی مؤقف سامنے رکھنے پر تبادلہ خیال
وزیراعظم شہباز شریف کی پاکستان پیپلزپارٹی کے چیئرمین بلاول بھٹو زرداری کی زیر قیادت وفد کی ملاقات ہوئی ہے۔
اعلامیے کے مطابق بلاول بھٹو زرداری نےدنیا کےاہم دارالحکومتوں میں پاکستانی مؤقف کو اجاگر کرنے کیلئےوزیراعظم سے رہنمائی لی۔
اعلامیےمیں کہا گیا ہے کہ بلاول بھٹو نےبھارتی جارحیت، اشتعال انگیز ایجنڈے کو دنیا کے سامنے رکھنے سے متعلق وزیراعظم سےرہنمائی لی۔
اعلامیےمیں بتایاگیا کہ بلاول بھٹو نے قومی سفارتی کام سے متعلق اعتماد کرنے پر وزیراعظم کا شکریہ ادا کیا۔ اس موقع پر وزیراعظم شہباز شریف کا کہنا تھاکہ امید ہے آپ کی قیادت میں وفد پاکستان کامؤقف بھرپور طریقےسے دنیا کے سامنے پیش کرےگا۔
امید ہے کہ پاکستان اور بھارت حالیہ کشیدگی کا حل پر امن طریقے سے کریں گے : آئی ایم ایف
خیال رہےکہ گزشتہ دنوں وفاقی حکومت نے بھارتی پروپیگنڈےکے جواب میں عالمی سفارتی مہم کیلئے بلاول کی قیادت میں اعلیٰ سطح کا وفد تشکیل دیا ہے۔
وفد میں ڈاکٹرمصدق ملک، خرم دستگیر، شیری رحمان، حناربانی کھر،فیصل سبزواری، تہمینہ جنجوعہ اور جلیل عباس جیلانی بھی شامل ہیں۔
بلاول بھٹوکی قیادت میں وفد لندن، واشنگٹن، پیرس اوربرسلز جائےگا اور خطےمیں بھارت کے پروپیگنڈے اور خطےکےامن کو تباہ کرنےکی کوششوں کو بے نقاب کرے گا۔
