امریکا،دکان سےچرائی گئی کتاب 40 برس بعد لوٹا دی گئی
امریکا میں دکان سے چُرائی گی کتاب 40 برس بعد واپس لوٹا دی گئی۔
ریاست کیلیفورنیا کے شہر یوریکا میں واقع ایک کتابوں کی دکان بُک لیگر کو حال ہی میں ایک ایسا پارسل موصول ہوا جس میں تقریباً 40 سال پہلے چوری کی گئی ایک کتاب واپس بھیجی گئی تھی۔ اس کتاب کے ساتھ ایک معذرت خواہانہ خط اور 100 امریکی ڈالر بھی شامل تھے۔
دکان کے مطابق پارسل میں ایڈورڈ گوری کی کتاب ’دی ان اسٹرَنگ ہارپ‘ موجود تھی۔ ساتھ رکھے گئے خط میں بھیجنے والے نے اعتراف کیا کہ اس نے یہ کتاب تقریباً چار دہائیاں قبل اس وقت چرائی تھی جب وہ ہمبولڈٹ اسٹیٹ یونیورسٹی کا طالب علم تھا۔
