معمر ترین خاتون ایتھل کیٹرہیم 116 برس کی ہوگئیں

دنیا کی معمر ترین خاتون آج اپنی زندگی کا ایک اور برس مکمل کرکے116برس کی ہو گئیں۔

برطانیہ کی شہری ایتھل کیٹرہیم آج اپنی 116ویں سالگرہ منا رہی ہیں، سرے کے کیئر ہوم کے مطابق ایتھل اپنی سالگرہ پرسکون طریقے سے خاندان کے ساتھ گزار رہی ہیں۔

ایتھل کیٹرہیم 21 اگست 1909 کو انگلینڈ کے گاؤں شپٹن بیلنگر میں پیدا ہوئیں، انہوں نے اپنی طویل زندگی میں 2 بیٹیوں اور شوہر کو کھو دیا لیکن آج بھی اپنے 3 نواسوں اور 5 پڑپوتوں کے ساتھ ہیں۔

برطانوی اخبار کے مطابق ایتھل برطانوی بادشاہ ایڈورڈ ہفتم کے دور کی آخری فرد ہیں، ایڈورڈ ہفتم نے 1901 سے  1910 میں اپنی وفات تک برطانیہ پر حکومت کی۔

خیال رہے کہ  دنیا میں سب سے زیادہ عمر پانے کا ریکارڈ اب بھی فرانس کی جین کالمینٹ کے پاس ہے جن کا 1997 میں  122 سال کی عمر مں انتقال ہوا تھا۔