اقرا عزیز نے بیٹی صوفیہ کا چہرہ مداحوں کو دکھا دیا

پاکستانی ٹیلی وژن کی معروف اور باصلاحیت اداکارہ اقرا عزیز نے بیٹی صوفیہ کا چہرہ پہلی بار مداحوں کو دکھا دیا۔

27جنوری کو اقرا عزیز نے انسٹاگرام پر اپنی بیٹی کی پیدائش کی خبر مداحوں کے ساتھ شیئر کی تھی۔

انہوں نے ایک جذباتی پیغام میں لکھا تھا کہ 24 جنوری کو اللّٰہ تعالیٰ نے انہیں سب سے خوبصورت تحفے سے نوازا اور ان کے گھر بیٹی کی آمد ہوئی۔

اگرچہ اقرا عزیز نے اس سے قبل اپنی بیٹی صوفیہ حسین کی تصویر شیئر نہیں کی تھی، تاہم اب انہوں نے انسٹاگرام پر ایک خوبصورت پوسٹ کے ذریعے بیٹی کا چہرہ پہلی بار مداحوں کو دکھا دیا ہے۔

اقرا عزیز نے بیٹے کبیر حسین اور بیٹی صوفیہ حسین کا خوبصورت سِبلنگ فوٹو شوٹ شیئر کیا، جس میں دونوں بہن بھائی سفید لباس میں نظر آئے، تصاویر میں صوفیہ اپنی والدہ اقرا عزیز کی ہم شکل دکھائی دے رہی ہیں۔

واضح رہے کہ اقرا عزیز متعدد کامیاب ڈراموں میں اداکاری کے باعث شہرت رکھتی ہیں، اقرا عزیز کی شادی میزبان اور ہدایت کار یاسر حسین سے ہوئی ہے اور دونوں کے دو بچے، کبیر اور صوفیہ ہیں۔