امریکا میں مقامی و ریاستی انتخابات کا آغاز
امریکا کی تمام 50 ریاستوں میں آج (4 نومبر 2025) سے مقامی اور ریاستی انتخابات شروع ہو گئے ہیں۔
یہ انتخابات صدارتی نوعیت کے نہیں ہیں بلکہ شہر، ضلع اور ریاست کی سطح پر منتخب عہدیداروں کے لیے منعقد کیے جاتے ہیں۔ ان میں شامل ہیں:
1) سٹی کونسل (City Council)
شہر کے نمائندے، جن میں میئرز بھی شامل ہیں، مقامی قوانین، بجٹ، ٹرانسپورٹ اور شہری سہولتوں کے حوالے سے فیصلے کرتے ہیں۔
نیو یارک میں میئر کا الیکشن آج ہو رہا ہے، جس میں مسلم امیدوار ظہران ممدانی سمیت تین امیدوار حصہ لے رہے ہیں۔
2) اسکول بورڈ (School Board)
یہ مقامی نمائندے تعلیمی نصاب، فنڈنگ اور پالیسیوں کے فیصلے کرتے ہیں۔
3) گورنر (Governor)
ہر ریاست کے سب سے اعلیٰ منتخب عہدیدار گورنر ہوتے ہیں، جو ریاستی حکومت کی سربراہی کرتے ہیں۔
4) لیفٹیننٹ گورنر (Lieutenant Governor)
گورنر کے بعد دوسرا سب سے اہم عہدہ لیفٹیننٹ گورنر کا ہوتا ہے، جو گورنر کی غیر موجودگی میں ان کے فرائض انجام دیتا ہے۔
5) ریاستی اسمبلی و سینیٹ (State Legislature)
ریاستی اسمبلی اور سینیٹ کے اراکین ووٹرز کے ووٹ سے منتخب ہوتے ہیں اور ریاستی قوانین بناتے ہیں۔
انتخابات کا شیڈول:
زیادہ تر ریاستوں میں ووٹنگ 4 نومبر کو ہو رہی ہے، جن میں ورجینیا، نیویارک، نارتھ کیرولائنا، ٹیکساس، کیلیفورنیا اور فلوریڈا شامل ہیں۔
لوئیزیانا، کینٹکی اور جارجیا میں انتخابات 15 نومبر سے 18 دسمبر تک ہوں گے۔
ان انتخابات میں جنوبی ایشیائی اور مسلم امیدواروں کی بڑی تعداد حصہ لے رہی ہے۔
ریاست ورجینیا سے مسلم خاتون غزالہ ہاشمی لیفٹیننٹ گورنر کے لیے امیدوار ہیں۔ وہ پہلے بھی دو بار ورجینیا سے سینیٹ کے انتخابات جیت چکی ہیں، پہلی بار 2019 میں۔
2025 کے یہ انتخابات امریکی مقامی سیاست میں ایک اہم موڑ ہیں، جن کے نتائج ریاستوں کی پالیسیوں اور عوامی زندگی پر گہرے اثرات مرتب کریں گے۔
