ہمبنٹوٹا: تیسرے ون ڈے میں پاکستان ویمن نے سری لنکا کو 188 رنز کا ہدف دےدیا

ہمبنٹوٹا سری لنکا میں کھیلے جارہے تیسرے ون ڈے میں پاکستان ویمن نے سری لنکا کو  188 رنز کا ہدف دےدیا۔

میزبان ٹیم سری لنکا کے خلاف قومی ویمن ٹیم  40 اوورز میں 187  رنز بناکر آؤٹ ہوگئی۔

پاکستان کی جانب سے گل فیروزہ 40، منیبہ علی 24، نجیہہ علوی 30، کپتان فاطمہ ثنا 41 رنز بناکر آؤٹ ہوئیں۔

سری لنکا کی جانب سے چیتھانا ویمکتھی، چماری اتاپتو اور کویشا دلہاری نے تین تین وکٹیں حاصل کیں۔

قبل ازیں سری لنکا کی کپتان چماری اتاپتو نے ٹاس جیت کر پاکستان کو پہلے بیٹنگ کی دعوت دی۔