جنوبی افریقا کیخلاف ٹیسٹ سیریز، قومی سکواڈ سے 2کھلاڑی ڈراپ

جنوبی افریقا کے خلاف دو ٹیسٹ میچز کی سیریز کے لیے پاکستان کرکٹ ٹیم کے اسکواڈ سے دو کھلاڑیوں کو ڈراپ کردیا گیا ہے۔

ذرائع کے مطابق لیفٹ آرم اسپنر فیصل اکرم اور فاسٹ بولر عامر جمال کو اسکواڈ سے باہر کرنے کا فیصلہ کیا گیا ہے۔

اس تبدیلی کے بعد پاکستانی ٹیسٹ اسکواڈ 16 کھلاڑیوں پر مشتمل ہوگا۔

اسکواڈ میں شامل کھلاڑیوں میں کپتان شان مسعود، عبداللہ شفیق، ابرار احمد، آصف آفریدی، بابر اعظم، حسن علی، امام الحق، کامران غلام، خرم شہزاد، محمد رضوان، نعمان علی، روحیل نذیر، ساجد خان، سلمان علی آغا، سعود شکیل اور شاہین شاہ آفریدی شامل ہیں۔

پاکستان اور جنوبی افریقا کے درمیان دو ٹیسٹ میچوں کی سیریز کا پہلا میچ اتوار کو لاہور کے قذافی سٹیڈیم میں شروع ہوگا۔