ممکن ہے امریکا پاکستان اور بھارت کے رہنماؤں کو ایک جگہ اکٹھا کرلے :  ڈونلڈ ٹرمپ

امریکی صدر ڈونلڈ ٹرمپ نے نریندر مودی کے پاکستان سے مذاکرات نہ کرنے کے بیان کو نظر انداز کرتےہوئے کہا ہےکہ پاک بھارت جنگ بندی قائم رہےگی اور ممکن ہے امریکا دونوں ممالک کے رہنماؤں کو عشائیہ پر اکٹھا کرلے۔

امریکا کے صدر ڈونلڈ ٹرمپ نے دورہ سعودی عرب میں گفتگو کرتےہوئے کہاکہ پاکستان اور بھارت کے تعلقات میں بہتری آ رہی ہے،ممکن ہے امریکا ان ممالک کے لیڈروں کو ایک جگہ جمع کرلے۔

صدر ٹرمپ کا کہنا تھا کہ کچھ ہی روز پہلے میری انتظامیہ تشدد کے بڑھتے واقعات رکوانے کےلیے تاریخی جنگ بندی میں کامیاب ہوئی ہے۔ اس کےلیے تجارت کو بڑی حد تک استعمال کیا۔

ڈونلڈ ٹرمپ نے کہاکہ انہوں نے دونوں ممالک کی قیادت سے کہا ہے کہ آئیں ڈیل کریں، نیوکلیئر میزائل نہ چلائیں،کچھ تجارت کی جائے۔ان چیزوں کی تجارت کریں جو آپ بہت عمدہ بناتے ہیں۔

ٹرمپ نے کہاکہ دونوں ممالک کے پاس بہت طاقتور،مضبوط اور ذہین لیڈر ہیں، جنگ رک گئی ہے ۔امید ہے آگےبھی ایسا ہی رہےگا۔اگر یہ جنگ نہ رکتی تو اس میں لاکھوں لوگ م0631سکتے تھے۔

پاکستان کا جوابی وار،بھارتی ہائی کمیشن کےاہلکارکوملک چھوڑنےکاحکم

خیال رہےکہ گزشتہ دنوں امریکی صدر ٹرمپ نے پاکستان اور بھارت کے درمیان جاری کشیدگی کےدوران سوشل میڈیا پر جاری اپنے بیان میں اعلان کیا تھا کہ پاکستان اور بھارت جنگ بندی پر متفق ہوگئےہیں۔