خاتون نے خواب میں دیکھے ہندسوں سے کروڑوں کی لاٹری جیت لی
مشہور کہاوت ہے کہ ‘ دینے والا جب بھی دیتا ہے، چھپڑ پھاڑ کر دیتا ہے’، ایک آسٹریلوی خاتون پر یہ کہاوت بلکل سچ ثابت ہوگئی۔
رپورٹس کے مطابق خاتون نے خواب میں دیکھے ہندسوں کی مدد سے کروڑوں روپے کی لاٹری جیت لی۔
غیر ملکی میڈیا کے مطابق آسٹریلوی خاتون نے 6 لاکھ 70ہزار ڈالر(19 کروڑ روپے سے زائد)کی لاٹری کا جیک پاٹ جیت لیا، لاٹری خریدنے کے لیے ایسے نمبروں کا ایک سیٹ استعمال کیا گیا جو اسے خواب میں آیا تھا۔
وکٹوریا سے تعلق رکھنے والی الٹونا نے لاٹری حکام کو بتایا کہ اس نے 12 اپریل کو اپنا ٹکٹ لاٹری کی ویب سائٹ سے خریدا تاہم انعام جیتنے کا خاتون کو اس وقت پتہ چلا جب اس نے کئی دن بعد اپنے اکاؤنٹ کا بیلنس چیک کیا تو اس میں 6 لاکھ 70 ہزار ڈالر موجود تھے۔
خاتون نے بتایا کہ لاٹری کے نمبروں کا انتخاب اس نے خواب میں آنے والے ہندسوں کی مدد سے کیا تھا۔
آسٹریلوی خاتون کا کہنا تھا کہ میں نے کچھ خاص ہندسے خواب میں دیکھے ، وہ نمبرز میں نے یاد کر لیے اور اُنہی نمبرز کا ایک ٹکٹ خریدا اور خوش قستمی سے میرا جیک پاٹ لگ گیا جس کا مجھے بالکل یقین نہیں آرہا۔
