چھپکلی پر ارمینا خان اور شنیرا اکرم کے درمیان تکرار
سابق کپتان وسیم اکرم کی اہلیہ شنیرا اکرم اور اداکارہ ارمینا خان کے درمیان چھپکلی کے موضوع پر تکرار ہوگئی۔
اداکارہ ارمینا خان نے ایک ٹوئٹ کی جس میں انہوں نے ایک چھپکلی کی تصویر بھی لگائی۔ انہوں نے لکھا تھا کہ ‘میں نہیں چاہتی تھی کہ میرا اس سے واسطہ پڑے’۔
اداکارہ ارمینا کی ٹوئٹ پر وسیم اکرم کی اہلیہ شنیرا اکرم نے ری ٹوئٹ کرتے ہوئے لکھا کہ ‘مجھے یہ سمجھ نہیں آتا، پاکستانی دہشت گردی، وبائی امراض، خوفناک قدرتی آفات، سیاسی بدامنی، قحط اور غربت جیسی صورت حال سے گزر چکے ہیں اور پھر بھی ایک چھوٹی سی چھپکلی سے اتنا ڈرتے ہیں’۔
I don’t get it, Pakistanis have lived through terrorism, wide spread disease, horrific natural disasters, political unrest, famine and poverty. Yet you see one little Gecko and completely lose your shit! https://t.co/ze67BT20wB
— Shaniera Akram (@iamShaniera) April 13, 2020
شنیرا اکرم نے ایک اور ٹوئٹ کرتے ہوئے لکھاکہ ‘چھپکلی بے حد معصوم ہوتی ہے، یہ ہماری نگرانی کرتی ہے، ہمارے ارد گرد کے ڈینگی مچھروں اور ملیریا (مچھر) کو کھانے کے طور پر کھاتی ہے، ان سے نفرت نہیں کریں’۔
Guys, Geckos 🦎 are innocent lizards. They watch over us, eat our dengue mosquitoes and make malaria their dinner. Don’t hate them, they are our friends. Trust me, I’m from Australia, when there is a creature you have to worry about I will tell you
— Shaniera Akram (@iamShaniera) April 13, 2020
وسیم اکرم کی اہلیہ نے مزید کہا کہ ‘یہ ہمارے دوست ہیں، مجھ پر بھروسہ کریں میں آسٹریلیا سے ہوں، جب کوئی ایسی مخلوق ہوگی جس پر آپ کو فکر کرنے کی ضرورت ہو گی تو وہ میں بتاؤں گی’۔
بعد ازاں اداکارہ ارمینا خان کی جانب سے شنیرا اکرم کے جواب میں ایک ٹوئٹ کیا گیا جس میں ان کا کہنا تھا کہ ‘تمام وہ لوگ جو میری چھپکلی والی ٹوئٹ پر کمنٹس کر رہے ہیں انہیں یہ سمجھنا ہوگا کہ ‘خوف’ ایک حقیقت ہے اس پر کسی بھی شخص کو تنقید کرنے کا حق نہیں ہے’۔
https://twitter.com/ArmeenaRK/status/1249618508318679040
انہوں نے مزید کہا کہ ‘ایک ایسا انسان جس کی ناک لال ہے اور وہ سر پر وِگ پہنتا ہے وہ کسی بھی فرد کے لیے ایک خوف ہو سکتا ہے، یہ آپ ان سے پوچھیں جو جوکروں سے خوف زدہ ہوتے ہیں’۔
