گیلانی کی کامیابی پراپوزیشن خوش، پی ٹی آئی کو تحفظات

سینیٹ (ایوان بالا) کی اسلام آباد سے جنرل نشست پر عبدالحفیظ شیخ کے مقابلے میں یوسف رضا گیلانی کی کامیابی کے اعلان سے ایک جانب جہاں اپوزیشن میں خوشی کی لہر دوڑ گئی وہیں حکمران جماعت کی جانب سے اس نتیجے کو چیلنج کرنے کا ارادہ ظاہر کیا ہے۔
وزیر اعظم کے معاون خصوصی برائے سیاسی روابط شہباز گِل نے سماجی روابط کی ویب سائٹ ٹوئٹر پر ایک ٹوئٹ میں کہا کہ غیر حتمی طور پر 7 ووٹ مسترد ہوئے ہیں، پانچ ووٹ کا فرق ہے، ابھی اس نتیجہ کو چیلنج کریں گے۔تاہم انہوں نے ساتھ ہی اپنی ٹوئٹ میں کہا کہ یہ ابتدائی رد عمل ہے۔

غیر حتمی طور پر 7 ووٹ رجیکٹ ہوئے ہیں۔ پانچ ووٹ کا فرق ہے۔ ابھی اس نتیجہ کو چیلنج کریں گے۔

Just an initial response

— Dr. Shahbaz GiLL (@SHABAZGIL) March 3, 2021

علاوہ ازیں پی ٹی آئی کے رہنما اور سینیٹر فیصل جاوید خان نے اپنی ٹوئٹ میں کہا کہ ہارس ٹریڈنگ اپنی بلندی پر، لازمی تحقیقات ہونی چاہیے اور انصاف ہونا چاہیے، کاش اللہ عمران خان کو ملک سے بد عنوانی کو ختم کرنے میں مدد کرے۔ان کا مزید کہنا تھا کہ ہم آپ کے ساتھ ہیں عمران خان، آپ کرپشن کے خلاف لڑ رہے ہیں اور انشا اللہ آپ کو کامیابی حاصل ہوگی۔

Horse trading at its peak. Must be investigated and justice must be served. May ALLAH help Imran Khan eliminate corruption from this country.
We are with you Imran Khan – You are sole fighter against corruption and you will win insha'ALLAH

— Faisal Javed Khan (@FaisalJavedKhan) March 3, 2021

علاوہ ازیں پاکستان پیپلز پارٹی (پی پی پی) کے شریک چیئرمین بلاول بھٹو زرادی نے ٹوئٹ کی کہ جہموریت بہترین بدلہ ہے۔

Democracy is the best revenge. Jeya Bhutto!

— BilawalBhuttoZardari (@BBhuttoZardari) March 3, 2021

بعد ازاں مسلم لیگ (ن) کی نائب صدر مریم نواز نے ٹوئٹ کیا کہ اللّہ تعالی کا شکر جس نے پی ڈی ایم کو فتح دی۔انہوں نے مزید کہا کہ جعلی مینڈیٹ عوام کے نمائندوں نے واپس چھین لیا، اپنے ہی لوگوں نے دباؤ کے باوجود آٹا چور، چینی چور، بجلی چور، ووٹ چور عوام کے مجرم عمران خان کو ووٹ دینے سے انکار کر دیا، تمہارے پاس اب وزیر اعظم ہاؤس پر قابض رہنے کا کوئی جواز نہیں، ووٹ چور کرسی چھوڑو۔

اللّہ تعالی کا شکر جس نے PDM کو فتح دی۔
جعلی مینڈیٹ عوام کے نمائندوں نے واپس چھین لیا-اپنے ہی لوگوں نے دباؤ کے باوجود آٹا چور،چینی چور،بجلی چور،ووٹ چور عوام کے مجرم عمران خان کو ووٹ دینے سے انکار کر دیا۔تمھارے پاس اب وزیر اعظم ہاؤس پر قابض رہنے کا کوئی جواز نہیں۔ووٹ چور کرسی چھوڑ

— Maryam Nawaz Sharif (@MaryamNSharif) March 3, 2021

ایک اور ٹوئٹ میں مریم نواز کا کہنا تھا کہ یوسف رضا گیلانی صاحب اور پی ڈی ایم کو دلی مبارکباد، مسلم لیگ (ن) کے ممبران، قومی اسمبلی کو بھی مبارکباد اور شاباش کہ نواز شریف کے فیصلے اور بیانیے کا مان رکھا اور جھکنے اور بکنے سے انکار کر دیا۔

یوسف رضا گیلانی صاحب کو دلی مبارکباد۔ PDM کو بھی مبارکباد۔ مسلم لیگ ن کے ممبران ِ قومی اسمبلی کو بھی مبارکباد اور شاباش۔ نواز شریف کے فیصلے اور بیانیے کا مان رکھا اور جھکنے اور بکنے سے انکار کر دیا۔ شاباش مسلم لیگ ن ! مستقبل آپ کا ہے انشاءاللّہ 🙌🏽

— Maryam Nawaz Sharif (@MaryamNSharif) March 3, 2021

خیال رہے کہ سینیٹ (ایوان بالا) کی 37 نشستوں پر آج انتخاب کے لیے خفیہ رائے دہی کے ذریعے پولنگ ہوئی جس کے بعد ووٹوں کی گنتی کا عمل شروع ہوا۔غیر سرکاری نتائج کے مطابق پاکستان ڈیموکریٹک موومنٹ (پی ڈی ایم) کے مشترکہ امیدوار یوسف رضا گیلانی نے جنرل نشست پر کامیابی حاصل کی جبکہ حکمراں جماعت پاکستان تحریک انصاف (پی ٹی آئی) کے امیدوار ڈاکٹر عبدالحفیظ شیخ کو شکست کا سامنا کرنا پڑا۔
دوسری جانب پی ٹی آئی کی فوزیہ ارشد نے خواتین کی نشست پر مسلم لیگ (ن) کی امیدوار فرزانہ کوثر کو شکست دی۔ریٹرننگ افسر نے اعلان کیا کہ قومی اسمبلی میں 341 میں سے 340 ووٹ ڈالے گئے، یوسف رضا گیلانی نے 169 جبکہ عبدالحفیظ شیخ نے 164 ووٹ حاصل کیے، پی ٹی آئی کی فوزیہ ارشد نے 174 جبکہ فرزانہ کوثر نے 161 ووٹ لیے، 7 ووٹ مسترد ہوئے۔