عدت نکاح کیس: سزا معطل کرنے کی کوئی وجہ موجود نہیں، تفصیلی فیصلہ

ڈسٹرکٹ اینڈ سیشن کورٹس اسلام آباد کے ایڈیشنل سیشن جج افضل مجوکا نے عدت میں نکاح کیس میں عمران خان اور بشریٰ بی بی کی سزا معطلی کی اپیلیں مسترد کرنے کا تفصلی فیصلہ جاری کردیا۔

بانی پی ٹی آئی عمران خان اور بشریٰ بی بی کی سزا معطلی سے متعلق ایڈیشنل سیشن جج افضل مجوکا کا تفصیلی فیصلہ 10 صفحات پر مشتمل ہے۔ تفصیلی فیصلے میں لکھا کہ سزا معطلی کی دونوں اپیلیں مسترد کی جاتی ہیں، سیکشن 426 قابل ضمانت ہے تاہم مجرم ضمانت کے حق دار نہیں، قانون کے تحت خاتون مجرم بھی ضمانت کی دعویدار نہیں ہو سکتی۔

عمر ایوب نے پی ٹی آئی کے سیکریٹری جنرل کے عہدے سے استعفیٰ دے دیا

عدالت نے اپنے فیصلے میں متعدد فراڈ شادی سے متعلق فیصلوں کا حوالہ دیا اور لکھا کہ حوالہ دیے گئے فیصلوں میں کسی بھی مجرم کی سزا معطل نہیں ہوئی، سزا معطلی کی درخواست میں مجرم کو معصوم تصور نہیں کیا جا سکتا،  عمران خان اور بشریٰ بی بی نے اپنی سزا کا کافی عرصہ کاٹ لیا ہے۔