شبلی فرازکے استعفے سے پارٹی قبضہ مافیا کے چنگل سے آزاد ہوگی: شیر افضل مروت

پی ٹی آئی کے رہنما اور رکن قومی اسمبلی شیر افضل مروت نے عمر ایوب کے پارٹی کے سیکرٹری جنرل کا عہدہ چھوڑنے کا خیر مقدم کرتے ہوئے شبلی فراز سے استعفیٰ کا مطالبہ کردیا ہے۔

رکن قومی اسمبلی شیر افضل مروت نے کہا کہ پارٹی کے اہم عہدوں پر فائز دیگر چند افراد کو بھی ان کی پیروی کرنی چاہیے۔ انہوں نے کہا کہ شبلی فراز کے استعفے سے ہی پارٹی قبضہ مافیا کے چنگل سے آزاد ہوگی۔انہوں نے مزید کہا کہ شبلی فراز کو ہٹایا گیا تو وعدہ کرتا ہوں کہ پارٹی وقت کی ضرورت کے مطابق اٹھے گی، پارٹی کارکن مجھے میدان میں چاہتے ہیں تو میرے مطالبے کے حق میں آواز بلند کریں۔

صدر عارف علوی کا ریکارڈ دیکھیں تو وہ انتخابات نہ کراتے، چیف جسٹس

شیر افضل مروت نے پارٹی قیادت پر تنقید کرتے ہوئے کہا کہ پارٹی ایک بھی کام پورا کرنے میں ناکام رہی، عمران خان جیل میں ہیں اور مینڈیٹ کی بازیابی ابھی دور ہے، ہماری خواتین اور رہنما جیلوں میں بند ہیں۔

شیر افضل مروت نے کہا کہ ہم عوام کو ایک عظیم تحریک کیلئے متحرک کرنے میں ناکام رہے ہیں، بلے کے نشان اور مخصوص نشستوں سمیت کئی مثالیں ہیں جہاں پارٹی قیادت ناکام رہی۔