اداکارہ عارفہ صدیقی کا گھر سیلاب کی زد میں آگیا

لاہور میں سیلابی صورتحال کے باعث پاکستان کی نامور اداکارہ اور گلوکارہ عارفہ صدیقی کا گھر بھی متاثر ہوا ہے۔

دریائے راوی میں پانی کی سطح بلند ہونے کے بعد چوہنگ کے قریب نجی ہاؤسنگ سوسائٹی میں سیلابی ریلہ داخل ہوا، جس سے کئی مکانات متاثر ہوئے، ان میں عارفہ صدیقی کا گھر بھی شامل ہے۔

عارفہ صدیقی نے سوشل میڈیا پر اپنے گھر کی ویڈیو شیئر کی ہے جس میں دکھایا گیا ہے کہ پانی گھر کے اندر داخل ہوچکا ہے اور سامان بکھرا ہوا ہے۔ ویڈیو میں وہ اپنے شوہر کے ہمراہ گھر کی صفائی کرتے ہوئے نظر آتی ہیں، جبکہ پانی سے ہونے والا نقصان واضح دکھائی دیتا ہے۔

یاد رہے کہ حالیہ بارشوں اور دریائے راوی میں طغیانی کے باعث قریبی ہاؤسنگ سوسائٹیز بری طرح متاثر ہوئی ہیں اور رہائشی شدید مشکلات کا شکار ہیں۔ متاثرہ خاندانوں نے حکومت سے فوری امداد کی اپیل کی ہے۔