ائیرپورٹس پر ای گیٹ نصب کرنے کافیصلہ

 مسافروں کی امیگریشن آسان بنانے کیلئےپاکستانی ائیرپورٹس پر ای گیٹ نصب کرنے کا فیصلہ کرلیا۔

ملک کے 3بڑے ایئرپورٹس پر ای گیٹ نصب کرنے کے حوالے سے اہم پیش رفت سامنے آ گئی۔غیر ملکی فرانسیسی ماہرین کی ٹیم نے ایئرپورٹس کی  انسپیکشن کی۔

لاہور غیر ملکی ماہرین کی ٹیم نے کراچی لاہور اور اسلام آباد ایئرپورٹ کا مکمل معائینہ کیا۔ایوی ایشن ڈویژن ، سول ایوی ایشن نے غیر ملکی ماہرین کو ای گیٹ سے متعلق بریفنگ بھی دی۔سیکریٹری ایوی ایشن ای گیٹ منصوبے کی براہ راست نگرانی کررہے ہیں۔ای گیٹ منصوبے کوسیکریٹری ایوی ایشن کی نگرانی میں مکمل کیا جائے گا۔

اسلام آباد،علامہ اقبال اور جناح انٹر نیشنل ایئرپورٹس پر ای گیٹ نصب کئے جائیں گےای گیٹ کا سسٹم ایف آئی اے امیگریشن آپریٹ کرے گا۔

حج پر جانے سے روکنے پر عمران ریاض نے توہین عدالت کی درخواست دائر کردی

ذرائع کے مطابق ای گیٹ منصوبے سے متعلق نادرا،ایف آئی اے پاسپورٹ،ایف آئی اے امیگریشن سے تجاویز بھی حاصل کی گئی ہیں۔ای گیٹ کے ذریعے مسافروں کو امیگریشن میں بھی سہولت میسر ہوگی۔جدید ٹیکنالوجی سے مسافروں کو عالمی سفری سہولت میسر ہو گی۔مسافر ایئرپورٹ پر داخل ہوتے ہی ای گیٹ کے ذریعے پاسپورٹ اسکین ،فیس اسکیننگ،بائیو میٹرک کے عمل سے گزرنا ہوگا۔

 مسافر چہرے، فنگر پرنٹ، آئیرس پہچان یا طریقہ کار کا مجموعہ استعمال کر کے بائیو میٹرک تصدیق سی گزرتے ہیں۔شناخت کا عمل مکمل ہونے کے بعد ، جسمانی رکاوٹ جیسے گیٹ یا ٹرنسٹائل گزرنے کی اجازت دینے کے لئے کھل جاتی ہے۔مسافر ای گیٹ کے ذریعے پاسپورٹ اسکین کر کے امیگریشن کا عمل مکمل کرسکیں گے۔ای گیٹ میں اسٹاپ لسٹ،ای سی ایل اور دیگر جرائم میں ملوث ملزمان کی نشاندہی ہوسکے گی۔