بھارتی اداکار امان جیسوال ٹریفک حادثے میں جاں بحق

بھارتی ٹی وی ڈراموں کے مقبول اداکار امان جیسوال ٹریفک حادثے میں جاں بحق ہوگئے۔

بھارتی میڈیا کے مطابق ٹیلی ویژن اداکار امان جیسوال جو ڈرامہ سیریز ‘دھرتی پتر نندنی’ میں مرکزی کردار کیلئے مشہور تھے جمعہ کے روز ممبئی کے علاقے جوگیشوری (ویسٹ) میں ایک ٹریفک حادثے میں جاں بحق ہو گئے۔

پولیس کا کہنا ہے کہ  یہ واقعہ ہل پارک روڈ پر سہ پہر 3:15 بجے پیش آیا۔

بھارتی میڈیا کے مطابق ٹرک ڈرائیور نے موٹر سائیکل پر سوار اداکار امان جیسوال کو ٹکر ماری۔زخمی اداکار کو فوری طور پر  اسپتال لے جایا گیا جہاں وہ زخموں کی تاب نہ لاتے ہوئے چل بسے۔

 پولیس نے ٹرک ڈرائیور کو حراست میں لے لیا ہے۔پولیس اسٹیشن میں مقدمہ بھی درج کیا جا رہا ہے۔