بھارت کی پاکستانی ائیر ڈیفنس سسٹم تباہ کرنیکی کوشش ناکام رہی، پاکستان کا جواب تاریخی تھا

7 سے 10 مئی کےدوران بھارت کی جانب سے پاکستانی  حدود میں 200 سے زائد ڈرونز بھیجے گئے ، جن میں مہنگے اور جدید "ہارپی” اور "IAI ہیروپ” ڈرونز شامل تھے۔

یہ ڈرونز الیکٹرانک سپورٹ میژرز سے لیس ہوتے ہیں جو دشمن کے ائیر ڈیفنس سسٹم سے نکلنےوالی ریڈیئیشن کو پکڑ کر اسےہدف بناتے ہیں اورجب یہ ریڈیئیشن کو پکڑ لیتے ہیں تو فوراً اس مقام کی معلومات دشمن کےبیس پر بھیج دیتے ہیں جس سے پورا ایئر ڈیفنس نظام بے نقاب ہو جاتا ہے۔

پاکستان پر طالبان کی وجہ سے الزامات لگے اور آج وہی بھارت و اسرائیل کیساتھ کھڑے ہیں، وزیر دفاع

اس حکمتِ عملی کو SEAD (Suppression of Enemy Air Defense) کہتے ہیں اور اس کےبعد دشمن بیلسٹک میزائل یا خودکش ڈرونزکے ذریعے ایئر ڈیفنس سسٹم کو مکمل طور پر تباہ کرنے کی کوشش کرتا ہےجسے DEAD (Destruction of Enemy Air Defense) کہا جاتا ہے لیکن بھارت کی SEAD/DEAD حکمت عملی اس بار پاکستان کے دفاعی اقدامات کے سامنے ناکام رہی۔

پاکستان نے بھارتی ڈرونز کے حملے کے دوران اپنے ایئر ڈیفنس سسٹمز کو بند کر دیا تاکہ ان کی ریڈیئشن ظاہر نہ ہو اور دشمن کو پتہ نہ چل سکے۔ اسی وقت پاکستان نے دوہری حکمتِ عملی اپنائی سافٹ کِل (Soft Kill) اور ہارڈ کِل (Hard Kill)۔

سافٹ کِل میں ڈرونز کے سگنلز کو جام کرکے انہیں ان کے کنٹرول سینٹر سے منقطع کر دیا گیا جس کے نتیجے میں وہ خود بخود نیچے اتر گئے۔