سٹاک مارکیٹ میں تیزی سرمایہ کاروں کا بجٹ پر اعتماد کا اظہار ہے : وزیر اعظم

وزیر اعظم شہباز شریف نے سٹاک مارکیٹ کے تاریخ کی بلند ترین سطح پر پہنچنے پر اظہار اطمینان کرتے ہوئے کہا ہے کہ سٹاک مارکیٹ میں تیزی سرمایہ کاروں کا عوام دوست بجٹ پر اعتماد کا اظہار ہے۔

وزیراعظم شہباز شریف کاکہنا تھاکہ تنخواہوں میں اضافہ اور ٹیکس میں کمی سے نوکری پیشہ افراد کو ریلیف ملےگا، الحمدللہ ملکی معاشی ترقی کا سفر شروع ہے، پاکستانی عوام نے قربانیاں دیں،اب ہم سب کو مل کر عام آدمی کی زندگی میں بہتری لانے کے لیے محنت کرنی ہے۔

بجٹ کے اگلے روز اسٹاک مارکیٹ میں ریکارڈ تیزی، انڈیکس 1 لاکھ 24 ہزار کا سنگ میل عبور کرگیا

انہوں نےکہا کہ مہنگائی کی شرح میں کمی اور زرمبادلہ کے ذخائر میں اضافہ معاشی ٹیم کی محنت سے ممکن ہوا، پاکستان کی ڈیفالٹ کے دہانے سے واپسی اور ترقی کا سفر ایک کرشمہ ہے۔