کیا ثنا جاوید اور عمیر جسوال شادی کرنیوالے ہیں؟
پاکستان کے نامور اداکارہ ثنا جاوید اور گلوکار عمیر جسوال سے متعلق سوشل میڈیا پر یہ افواہیں سامنے آرہی ہیں کہ یہ دونوں جلد شادی کرلیں گے۔
ان افواہوں کا آغاز اس وقت ہوا جب گلوکار عمیر جسوال نے اپنے انسٹاگرام پر ایک تصویر پوسٹ کی جس میں وہ اپنی سالگرہ کا کیک کاٹ رہے ہیں۔
اس تصویر کے نیچے گلوکار نے اداکارہ ثنا جاوید کا کمنٹ میں شکریہ ادا کیا جبکہ لکھا کہ انہیں کیک پسند آیا اور بائیک کا رنگ بھی، جبکہ نئی بائیک کے لیے آئیڈیا دینے کا شکریہ بھی ادا کیا۔
اس پر اداکارہ نے جواب دیتے ہوئے کمنٹ کیا کہ ‘مجھے خوشی ہے آپ کو پسند آیا، سالگرہ کی بہت مبارکباد’۔
ان دونوں کی اس بات چیت کے بعد مداحوں نے یہ خیال ظاہر کرنا شروع کردیا کہ عمیر جسوال اور ثنا جاوید ایک دوسرے کو پسند کرتے ہیں اور جلد شادی بھی کرلیں گے۔ جبکہ ٹوئٹر پر کسی نے انہیں پاکستان کی نئی جوڑی قرار دیا۔
Wait. What…??? Sana Javed and Umair Jaswal Upcoming couple 😍❤🔥👌🎉🎉 pic.twitter.com/VF2nAU2WFP
— Blue_Sapphire 💙 (@BlueSap26) January 7, 2020
تو کسی نے لکھا کہ یہ دونوں جلد شادی کرلیں گے۔
Sana Javed & Umair Jaswal are getting married soon! 😍❤️ pic.twitter.com/Rg3LaXLxsP
— Haسan🇵🇰 (@Syed_Hassan209) January 7, 2020
ویسے تو دونوں اداکاروں نے اب تک اس حوالے سے کوئی بیان جاری نہیں کیا البتہ انٹرنیٹ پر یہ خبریں بھی سامنے آرہی ہیں کہ یہ دونوں شادی نہیں کررہے اور انہوں نے تعلقات کی خبروں کو بےبنیاد ٹھہرایا ہے۔
خیال رہے کہ ثنا جاوید کا شمار پاکستان کی بہترین اداکاراؤں میں کیا جاتا ہے، جو ‘خانی’، ‘رسوائی’ جیسے بہترین ڈراموں کا حصہ بن چکی ہیں۔
دوسری جانب عزیر جسوال پاکستان کے بہترین نوجوان گلوکار مانے جاتے ہیں جو اپنے کیریئر میں کئی کنسرٹس کے ساتھ ساتھ کوک اسٹوڈیو میں بھی پرفارم کرچکے ہیں۔
