وزن گھٹانے والی ادویات مائگرین اور دمے میں مفیدقرار
ایک نئی تحقیق میں بتایا گیا ہے کہ وزن گھٹانے کے لیے استعمال کی جانے والی ادویات مائگرین کے درد اور دمے کی علامات میں کمی لا سکتی ہیں۔
ماہرین کے مطابق جو لوگ یہ ادویات استعمال کر رہے تھے، اُنہوں نے دمے کے اٹیک میں کمی اور انہیلر کی ضرورت پہلے کے مقابلے میں کم پڑنے سے متعلق بتایا۔
دوسری جانب ایک تحقیق میں یہ بات سامنے آئی کہ وزن کم کرنے کے لیے استعمال ہونے والی دوا ویگووی لینے والی خواتین میں مائگرین کی دواؤں کے نسخوں میں واضح کمی دیکھی گئی۔
انگلینڈ میں یہ ادویات پہلے ہی دل کے دورے اور فالج کے خطرات کم کرنے کے لیے استعمال کی جا رہی ہیں جبکہ نئی تحقیق نے ان کے ممکنہ طبی فوائد کا دائرہ مزید وسیع کر دیا ہے۔
